RCS-Bucoli, 24-07-2025—Komandante Polisia Nasional Timor-Leste (PNTL) Eskuadra Baucau-Vila hamutuk ho Reprezentante Komandante seksaun tranzitu rodaviariu Munisipiu Baucau no Reprezentante Administrador Postu Administrativa Baucau-Vila kinta-feira ohin sosializa Lei kodigu tranzitu rodaviariu nomos krimi publiku no semi publiku ba komunidade Bucoli atu oinsa Mak bele komprende konaba utiliza estrada publiku nomos entende Diak konaba prevensaun krimi publiku no semi publiku nebe akontese iha publiku.
Komandante PNTL Eskuadra Baucau-Vila Daniel da Costa Freitas iha intervista hateten,utilizasaun Transporte publiku iha suku Bucoli maioria viola regras kodigu estrada,Tamba ne’e Mak PNTL Eskuadra Baucau-Vila ohin Mai sosializa no dezamina informasaun konaba Lei kodigu estrada nomos Esplika oinsa prevensaun ba Kazu krimi publiku no semi publiku
” Hare ba evolusaun krime publiku no semi publiku sa’e iha suku Bucoli,liuliu mos evolusaun utilizasaun Transporte publiku no privadu iha area suku Bucoli ne’e maioria barak Mak viola regras kodigu estrada,Tamba ne’e Mak Konsellu suku Bucoli ho OPS koordena ho Eskuadra hodi Mai sosializa informasaun Lei kodigu estrada,entermus mos Esplika konaba oinsa Mak serbisu prevensaun kriminal konaba mosu Kazu krimi publiku no semi publiku,Tamba maioria Lianain Sira la komprende prosedimentu atu rezolve problema Sira hanesan ne’e,ho nune’e Mak ohin Mai Esplika para Sira bele entende ho Diak katak Kazu Ida nebe Mak bele rezolve nomos Kazu Ida nebe Mak labele rezolve.” Dehan Komandante PNTL Eskuadra Baucau
Iha tempu hanesan Xefe Suku Bucoli Terrezinha de Jesus dos Reis husu Joven ho komunidade Sira nebe partisipa atu rona no grava iha Ulun saida Mak Autoridade Sira Esplika hodi nune’e bele komprende no halo prevensaun.
” Komandante Eskuadra,Tranzitu no Administrador fo liafuan ruma ne’e grava iha imi Ulun ne’e,karik famila balun halo problema bolu atensaun,Lae fo hatene ba Xefe,Delegadu no KPK,ohin Loron ne’e atu hamutuk prevene iha suku laran,respeita Autoridade,inan aman,karik iha motor halai tuir regras.”Dehan Xefe suku Bucoli
Partisipante Juventude Bucoli Canselito Guterres Menezes avalia, Sosializasaun ne’e importante tebes ba Joven Sira hodi bele iha konesementu klean konaba Lei kodigu estrada nomos Kazu krimi publiku no semi publiku
“Ha’u sente Ida ne’e importante tebes ba Joven Sira hodi bele iha konesementu klean konaba Lei kodigu estrada nomos Kazu krimi publiku no semi publiku,Tamba Ema barak Mak lori motor maibe seidauk komprende Diak konaba utilizasaun sinais tranzitu Sira iha estrada.” Dehan Partisipante
Enkuantu, partisipa iha Sosializasaun ne’e, estrutura Autoridade lokal suku Bucoli,komunidade no maioria Juventude Husi Aldeia neen iha suku Bucoli
Ekipa Kobertura RCSB
Leave a Reply