RCS-Bucoli, 17-11-2025, Mensajem furak ne’e hato’o husi koordenador Eskola Ensinu Báziku Filial Católika (EBFC) São Francisco de Axis Caisido, Jaíme da Silva iha nia knaar fatin segunda feira ohin.
‘’ relasiona ho exame provas nian, tuir kalendariu ministeriu Edukasaun, ba iha exame pasajem nian mak hahu ohin dia 17 de novembru 2025, hau nia mensajem ba ita nia oan estudante sira husi primeiru sikúlu to’o triceiru sikúlu, estuda didiak ba oinsa atu tuir exame ho susesu, i tambem atu hetan valor diak iha triceiru periodu ne’e.’’ dehan Koordenador EBFC Caisidu Jaíme da silva.
Koordenador ne’e mos husu estudante sira atu suspende ou hapara lai aktividade extra iha uma hanesan halimar telemovel.
‘’ ita hotu akompaña teknologia ne’ebe modern tebes, tamba ne’e husu ba oan estudante sira atu para lai halimar telemovel android hanesan game ka PUBG atu para lai hodi hare ba lisaun estuda lai, suspende lai ita nia aktividade extra nian, fo tempu ba estudu atu bele hetan valor diak iha exame triceiru periodu.’’ Nia hatutan
Koordenador ne’e iha esperansa no garante katak estudante sira sei hetan valor ne’ebe diak tamba materia hotu-hotu konsege ultrapasa tuir planu programa kuríkulum ne’ebe iha.
Total estudante husi primeiru sékulu, segundu sékulu no triceiru sékulu hamutuk atus hat sanulu resin hat (414) ho total manorin husi primeiru sékulu no segundu sékulu hamutuk nain 8, pemanente nain 4 no parsial nain 4, manorin husi triceiru sékulu hamutuk nain 11, permanente nain 4 no parsial nain 7.
Exame pasajem hahu ona iha loron 17 no sei remata iha loron 22 novembru 2025.
Ekipa Kobertura RCSB
Leave a Reply