Governu hala’o Diálogu ba Paz ho Estudante no Manorin iha Baucau 

RCS-Bucoli, 20-10-2025—Governu liuhusi Vice-Primeiru Ministru no Ministru Koordenador Asuntus Sosiais Mariano Assanami Sabino tersa-feira ne’e hala’o Diálogo da Paz ho estudantes no Professores sira iha Baucau

Diálogu ne’e halao iha Salaun Ginaziu Baucau ho tema ‘’Atravez da formasaun do carater, Construção da Paz do Estado da Nasaun do Caracter ’’

Iha deskursu, Assanami hateten, estudantes sira mak importante no esensial tebes ba Nasaun, tamba ne’e iha Fulan Outubru tinan ne’e Timor-Leste sei tama ba Asean, no sei halo kompetisaun ho Nasaun sira ASEAN nian, nune’e estudantes sira mak importante liu atu kompete ho dignu.

‘’Objetivu ita-nia diálogu ne’e primeiru, tamba oan sira, alin sira ne’ebé ke iha ne’e, imi mak importante teb-tebes ba ita-nia rai, imi ne’e mak espesial tebes ba ita-nia rai no ita-nia Nasaun, razaun segundu imi hotu hatene la kleur tan iha fulan outubru ne’e duni ita sei tama ba ASEAN, wainhira ita tama ba ASEAN ita sei halo kompetisaun ho Nasaun sira husi ASEAN, ita-nia rai nia bareira sei loke ba ema seluk,ita mos sei tama ba ema seluk nia bareira hanesan familia boot iha Aldeia, entaun se mak importante liu para ita iha valor, ita iha dignidade, ita bele kompete ne’e oan sira, alin sira ne’ebé mak eskola’’. Dehan Vice-Primeiru Ministru no Ministru Koordenador Asuntus Sosiais Mariano Assanami Sabino

Iha sorin seluk, Prezidente Autoridade Munisipiu Baucau Veneranda Lemos Martins hateten, Diálogu ne’e importante tebes ba Jovem sira, tamba liu husi diálogu ne’e bele koalia husi matan ba matan no fuan ba fuan,oinsa mak kontribuisaun estudantes sira nian ba iha konstrusaun Estadu no dezenvolvimentu ba Rai ida ne’e.

‘’ Diálogu ida ne’e importante teb-tebes tamba diálogu ida ne’e sei koalia ho ita matan ho matan, fuan ho fuan atu haree kona-ba paz, haree kona-ba estabilidade, haree kona-ba ita-nia Rai Baucau ne’e atu ba iha ne’ebé, kontribuisaun Estadu, kontribuisaun Estudantes sira nia ba iha konstrusaun estadu no dezenvolvimentu rai ninian ne’e atu ba iha ne’ebé’’. Hateten Prezidente Autoridade Munisipiu Baucau Veneranda Lemos Martins

Além de ne’e Partisipante Celma do Rosário da Costa Silva nudar estudante husi Eskola Sekundaria Sagrado Coracao de Jesus Vila-Nova Baucau iha intervista hateten, nudar estudante prontu banati tuir mensajen husi nai ulun sira hodi kria Paz no lori Nasaun ba oin.

‘’ Diak koalia kona-ba partisipasaun iha ne’e, ami hotu bele partisipa i no mos bele hatene kle’an liu tan kona-ba Sua Exelensia Vice Primeiro Ministro Mariano Assanami ne’ebé hato’o mai ita paz, edukasaun no mos kona-ba ASEAN ninian ne’ebé dehan katak ita Timor sei tama ba ASEAN iha fulan outubru ninia laran, nu’udar Estudante hau mos sei banate tuir kona-ba liafuan sira ne’ebé sira hato’o mai ami, atu nune’e bele lori diak liu tan ita-nia Nasaun ne’e ba oin i hau prontu atu kria paz iha ita hotu nia moris’’. Dehan Estudante 

Enkuantu, partisipa iha Diálogu da Paz ne’e, PAM Baucau, Segundu Komandante PNTL Munisipiu Baucau, Reprezentante Komandante F-FDTL CT.Lanud Baucau, Diretor Servisu Edukasaun Munisipiu Baucau, Diretor Jeral Ensino Pré-Eskolar Ensino Rekorente ,Estudantes husi Eskola Ensinu Sekundária Jeral 8 iha Baucau ho Professores sira.

Ekipa Kobertura RCSB