Governo lansa Kampaña Nasional Nutrisaun iha Ossoala-Baucau

RCS-Bucoli, 16-10-2025—IX Governu Konstitusional liuhusi 2 Vice-Primeiru Ministru hamutuk ho Ministeriu Saude no Edukasaun kinta-feira ne’e lansa kampana Nasional Nutrisaun iha Munisipiu Baucau, ho tema han aihan nutritivu, moris saudavel.

Lansamentu ne’e hala’o iha suku Ossoala, Postu Administrativu Vemasse, Munisípiu Baucau.

Iha lansamentu ne’e, Reprezentante Ministra Saúde diretora Nasionál Nutrisaun Rosye Bela Joana Benevides Monis da Silva iha deskursu hateten, kampania nasional Nutrisaun inisia husi Ministerio Saude hodi bolu atensaun parte tomak atu serbisu hamutuk hare kona-ba Nutrisaun ba komunidade sira.

Diretora ne’e hateten aihan ne’e importante hodi asegura Ita ema Nia moris, tamba ne’e tenke iha komitmentu atu asegura populasaun tomak hodi hetan Nutrisaun nebe Diak

‘’ Ita iha komitmentu atu asegura populasaun tomak hodi bele hetan nutrisaun ne’ebe diak no mos asistesia nutrisaun sira seluk ne’ebe mak saude bele fornese, tamba ne’e husu komitmentu ba parte hotu-hotu liu-liu nain ba komunidade sira hanesan xefe suku, administradpr sira, atu bele asegura katak populasaun hotu-hotu iha vida tomak, komesa husi bebe, inan isin rua sira to’o idade idozu hetan ai-han ne’ebe mak diak no kualidade ba sira nia moris.’’ dehan diretora nasionál nutrisaun

Iha tempu hanesan, Reprezentante 2 Vice-Primeiru Ministru no Ministru Koordenador Asuntus Sosiais, xefe gabinete Arantes Isaac Sarmento hateten, ema hotu iha obrigasaun boot tebes oinsa bele promove aihan lokal nebe ho nutritive.

‘’ Ohin iha ne’e kampaña ba nutrisaun, no ida ne;e importante tamba sua.ex Vice primeiru ministru no ministru e ministru koordenasaun asuntu social, halo ona lansamentu, kona-ba transformasaun ai-han ho nia objective atu asegura ai-han ne’ebe ho nutritive ba ema hotu-hotu ne’ebe mak servisu hamutuk ho ajensia internasional sira hanesan, UN, UNIOCEF, FAO no sira seluk tan, ohin kampaña ne’e ita hare katak nutrisaun ne’e impotante tamba ema kuandu han diak, isin diak, saúde diak bele produz kakutak ema diak, no bele kontribui ba konstrusaun estadu, se ema hahan la diak, saúde la diak kakutak mos la diak.’’ Dehan Reprezentante 2 Vice-Primeiru Ministru no Ministru Koordenador Asuntus Sosiais

Iha fatin hanesan director servisu municipal Saúde Baucau Cristiano Belo ne’ebe reprejenta PAM Baucau afirma, lansamentu kampana Nutrisaun ohin importante ba ema hotu atu bele kontinua esforsu hodi rezolve Nutrisaun iha suku sira

Enkuantu, iha lansamentu ne’e iha mos aktividade sira hanesan kulinaria aihan lokal nutritivu no konsulta espesial ba komunidade Ossoala.

Marka prezensa iha lansamentu ne’e Xefe Gabinete 2 Vice-Primeiru Ministru no Ministru Koordenador Asuntus Sosiais, Diretora Nasional Nutrisaun husi Ministerio Saude, Xefe Departementu Ministerio Edukasaun, Diretor Ezekutivo HNGV, Parseirus Internasional,Reprezentante Prezidente BTL.EP, Reprezentante PAM Baucau, Reprezentante Administrador Postu 8, Xefe suku, Reprezentante Komandante F-FDTL CT.Baucau, Komandante PNTL Eskuadra Vemasse,Xefe Centro Saude,pesoal Saude sira iha Munisipiu Baucau no komunidade suku Ossoala.

Ekipa Kobertura RCSB