RCS-Bucoli 27-10-2025— Estudantes Estajiarius husi Universidade Nasionál Timor-Lorosa’e (UNTL) Faculdade de Ciencias Sociais e Política (FCSP) sei hala’o Estajiu durante fulan rua iha Suku Bucoli, objetivu husi sira nia estajiu ne’e atu reorganiza pillár akadémiku iha UNTL liu-liu aprende, peskija no servisu sosial.
Segunda-feira ne’e Sede Suku Bucoli, Xefe Estajiu Servisu Sosial Agostinha José Gomes iha intrevista hateten husi sira nia estajiu ne’e atu halo servisu hamutuk ho Komunidade Bucoli hodi bele deskobre problema sosial ne’ebé akontese iha Suku no liu husi Estajiu ne’e bele hasa’e sira koñesimentu iha área ne’ebé sira desloka ba.
‘’ Ami nia objetivu mai iha estajiu sosial liu-liu kona-ba Suku Bucoli nian atu reorganiza pillár akadémiku iha UNTL liu-liu aprende, peskija no servisu sosial, ami halo servisu selu-seluk hanesan bele hamutuk ho Komunidade Bucoli, hodi bele deskobre mos problema, problema ne’ebé akontese iha Suku atu bele foti ami nia aprende liu husi ida ne’e, ami bele mos resolve problema saida mak iha liu husi ami nia relatóriu rua, ida ne’e mak ami nia motivu i inklui mos hodi bele hasa’e ami nia koñesimentu iha área ne’ebé ami desloka ba’’. Dehan Xefe Estajiu Servisu Sosial Agostinha José Gomes
Estudantes ne’e hatutan husi sira nia estajiu ne’e sei iha atividade hanesan Fíziku, non-fíziku no halo peskija ba Komunidade sira iha Aldeia neen.
‘’ Iha ne’e ami iha atividade fíziku nian iha ami nia obra balun ne’ebé ami sei implementa liu-liu iha Suku Bucoli nian mak ami hakarak renova hariis-fatin, inklui kampu voleibol, bandeira riin, ho tan lixu fatin ida ne’e mak ami nia obra fíziku nian, liga ba iha non-fíziku nian mak ami sei halo sosializasaun ba eskola fahe ami nia esperiensia ligasaun ho saida mak ami aprende iha Universidade inklui mos ami sei halo peskija iha Aldeia neen saida mak Aldeia sira infrenta sai hanesan baze ba ami atu ba foti dadus balun no ami sei implementa fali ba ami nia departamentu’’. Nia Hatutan
Xefe Estajiu Servisu Sosial mos afirma, husi Estudantes Estajiarius UNTL iha Suku Bucoli sira mos sei iha tan atividade seluk hanesan, sei Selebra Loron Istóriku 12 Novembru, 28 Novembru, ne’ebé sei hamutuk ho Komunidade, Estudantes no Autoridade Lokál sira atu kria atividadeJogu amizade, Marcha da paz no fó Omenajem ba Hérói sira.
Entretanto Estudantes Estajiarius UNTL husi Fakuldade Siensia Sosiais no Polítika husi Departamentu 5 hanesan Komunikasaun Sosiál, Siénsia Polítika, Relasaun Internasional, Inkluzaun Komunitária Sosiál, Polítika Públikas no Dezenvolvimentu Komunitária ho total Estudantes na’in 18 ne’ebé sei hala’o Estájiu durante fulan rua hahú husi loron 22 Outubru sei remata iha 22 Dezembro 2025, entre Estudantes na’in 18 ne’e, iha mos Estudantes Ema ho Defisiénsia na’in 7.
Leave a Reply