RCS-Bucoli, 21-10-2025—Diretor Serbisu Edukasaun Munisipiu Baucau Afonso dos Santos da Costa tersa-feira ne’e halo observasaun ba ezame Nasional loron segundu iha EBF Buruma, ba jornalista sira hateten, iha Munisipiu Baucau estudantes Finalista hamutuk rihun 5 resin mak partisipa iha ezame Nasional tinan ne’e.
Nia relata, kandidatu estudantes finalista sira nebe moras labele partisipa iha ezame Nasional ne’e sira maibé sei tuir fila fali ezame iha Segunda emisaun. 
‘’ Ezame Nasionál ba tinan 2025 nian, ita-nia Kandidatu ne’ebé partisipa iha ezame ne’e ita iha rihun lima resin ne’ebé partisipa, tuir informasaun ne’ebé ami rekolla husi Diretiva eskola sira no tékniku ohin ne’e iha na’in sia mak la partisipa tamba moras, sira iha oportunidade sira sei tuir mai iha segundu emisaun, sira na’in sia ne’e mane na’in tolu feto na’in neen, husi eskola Sacorjes, balun husi eskola Bercoli, iha informasaun ne’e mak ohin ita hetan ne’e iha Posto tolu hanesan husi Vemasse, Baucau no Venilale’’. Dehan Diretor Serbisu Edukasaun Munisipiu Baucau Afonso dos Santos da Costa
Afonso dos Santos akresenta, relasiona ho ezame Nasionál tinan ne’e parte Edukasaun kolabora ho komponentes hotu nune’e ezame Nasionál ne’e lao ho Diak.
‘’ Ezame la’o diak ita haree ba material sira no buat hotu la’o diak iha loron rua ne’e, tamba ita-nia kolaborasaun ba iha komponenetes hotu-hotu, seguransa sira, ita-nia Líder Komunitáriu sira,horseik iha abertura ne’e mos Autoridade Munisipál sira mos tun, Inan-Aman sira nia kolaborasaun, Komunidade, Professor sira no Estudantes sira mos kolabora buat hotu la’o diak to’o ohin’’. Nia Informa
Nia hatutan objektivu husi ezame Nasional ne’e atu identifika no sukat estudantes sira nia kualidade hodi bele hakat ba nível ne’ebé aas liutan.
Husi studante rihun 5 resin ne’e estudante hamutuk nain 9 mak la tuir ezame, maibe sira sei tuir fila fali ezame iha Segunda emisaun, estudante rihun 5 resin ne’e ensinu Básiku triceiro siculo, Estudante husi Secretário no tékniku vokasional.
Ekipa Kobertura RCSB
Leave a Reply