EPC Caisido infrenta Problema menus sala de aula no Professores

RCS-Bucili, 01-07-2025, Cordenador interinu Eskola Primaria Catolika Sao Francisco de Asis Caisido Amandio Cardozo da Silva ba jornalista RCSB iha serbisu Fatin tersa-feira nee hateten,estudantes iha EPC Caisido hamutuk atus haat resin,no dadaun nee infrenta hela problema menus sala de aula ho Professor Nia hatutan,maske menus fasilidade no manorin maibe ensinu aprendizajen Nafatin Lao normal

” Total estudantes iha Eskola Primaria Catolika Caisido hamutuk atus haat resin ho Professor permanente nain 4 no Professor eventuais kuaze nain ualu,maibe Ami Nafatin presija Professor Tamba ho estudantes nebe barak halo Ami difikulta tebes ho Professor,mezmu aula Lao normal maibe alunus sempre aumenta,tau hamutuk sala laran nain Tolu ou haat tur hamutuk iha meza ida,Tamba sala de aula ho Professor la to’o.” Dehan Koordenadora Interinu EPC Caisido

Cordenador interinu ne’e informa, difikuldade nebe Sira enfrenta sempre hato’o bebeik iha enkontru ho serbisu Edukasaun Munisipiu maibe to’o ohin Loron seidauk iha resposta, nune’e Sira Nafatin hein.

Enkuantu,Eskola Primaria Catolika Sao Francisco de Asis Caisido Akumula Estudantes Husi primeiru Ano Primeiru siklu to’o oitavu Ano terseiru siklu hamutuk atus haat resin ho Professor permanente nain haat no Professor eventuais kuaze nain ualu.