Embaxada Estado Unidos iha TL observa direta kondisaun Escola Bucoli

RCS-Bucoli, 30-06-2025, Segunda-feira ne’e, Embaxada Estado Unidos Army Affairs iha Timor-Leste observa direta kondisaun Escola Ensino Básico Filial (EBF) Bucoli Primeiro Segundo no Terceiro cíclo.

Iha Observasaun ne’e US Embassy Team Leader iha Timor-Leste Scott Wyly hateten Objetivu husi sira nia vizita atu oferese material sira ne’ebé Escola presija, tan ne’e husi observasaun ne’ebé sira haree sei hato’o ba parseiru ne’ebé mak sira servisu hamutuk hafoin bele hato’o ba Ministériu Edukasaun mak bele oferese ba Escola.

” Ami nia objetivu fo suply ka oferese sasán ou material ba eskola sira ne’ebé eziste iha Timor, ohin ami haree tiha ona, ami koalia ho profesor sira difikuldade, profesor sira hato’o ona mai ami ho kondisaun saida deit ami ajusta, ajuda ne’ebé ami sei oferese lori tempu, ami sei koalia ho parseiru ne’ebé ami servisu halo proposta hafoin bele hatutan ba Ministériu Edukasaun mak bele ajuda”. Dehan Scott Wyly

Iha Fatin hanesan Coordenadora EBF Bucoli Leonilda Boavida hateten husi Vizita Estados Unidos ne’e nia hakarak husu atu halo moru protesaun ka aumenta salaun Professora sira nian.

” Sira foin haree tiha ona maibe hau ejiji hakarak atu mai lalais, ohin hau-nia hakarak ne’e atu husu buat boot, hau-nia hakarak ne’e atu husu moru protesaun ou husu aumenta salaun professor nian ou hau atu husu buat barak , maibe nia aprezenta tiha ona atu haree hadi’a dapur, maibe hau iha esperansa katak ba oin sei realiza duni tamba naran ne’e Ministériu Edukasaun mak fó ba sira” Salienta Coordenadora EBF Bucoli

Tuir Informasaun Embaxada Estados Unidos iha Timor-Leste iha planu tempu besik sei hadi’a uluk dapur ou koziña Escola nian no Oferese Material Escola nian balun.

Alémde ne’e, sira mos observa Kondisaun Escola EBF Bucoli ne’ebé aat durante tinan naruk.
Entretanto total Estudantes iha Escola EBF Bucoli husi primeiru to’o terseiru síklu hamutuk 456 ho Professor 15

Ekipa Kobertura: RCSB