RCS-Bucoli, 20-10-2025—-Vice Ministru no Ministru Koordenador Asuntus Sosiais Mariano Assanami Sabino hato’o liahirak ne’e iha deskursu, wainhira hala’o dialogu da Paz ho estudantes no manorin sira iha Salaun Ginaziu Baucau tersa-feira ne’e.
Governante ne’e hateten Manorin sira mak sei forma estudantes sira sai kompetetivu liuhusi dimensaun 4 hanesan,fiziku,mental, espiritual no intelektual,hodi sai forte luta ba Libertasaun povu nian.
‘’ Husi ita-nia Manorin na’in sira ita respeitu sira, tamba sira mak sei lori kor mai ita husi dimensaun tátiku ka dimensaun fíziku, dimensaun mental, dimensaun ispiritual ou dimensaun intelektual ne’ebé mak fó mai ita para ita atu sai kompetetivu, it abele forte, ita bele útil para ita asu-wa’in nafatin luta ba libertasaun povu i luta para atu dignifika katak Timor bele rai pedasuk ida kiik maibe ita sei la hiit iha nasaun boot ida nia oin, ita mos nasaun soberanu ida, ita mos nasaun independensia ida, ita mos nasaun ne’ebé kontribui ba iha paz no estabilidade iha mundu rai-klaran’’. Dehan Vice-Primeiru Ministru no Ministru Koordenador Asuntus Sosiais Mariano Assanami Sabino
Iha tempu hanesan Prezidente Autoridade Munisipiu Baucau Veneranda Lemos Martins reforsa, Manorin edukador sira mos sempre buka meius oioin hodi hateten ba Jovem sira katak futuru Rai no Nasaun ne’e joven sira nian
‘’ Tamba Mestre sira hanesan edukador halo meius oioin, ita-nia professor no professora sira lori terus oioin atu hateten ba ita Jovem sira futuru imi nian, rai imi nian ema sira tuur iha leten ne’e idade ba bebeik, se mak bele kontinua, imi, imi la aproveita ho didiak la kuda paz iha imi nia fuan hanoin foer iha imi nia kakutak rai sei la ba oin’’. Akresenta Veneranda Lemos Martins
PAM Baucau mos husu jovem sira atu nafatin hatudu komportamentu ne’ebé diak no matenek hodi dezemvolve nasaun ida ne’e.
Ekipa Kobertura RCSB
Leave a Reply