MPIE Ofisialmente entrega PMOT ba Autoridade Munisipiu Baucau

RCS-Bucoli, 24-06-2025, Nonu governu konstituisional liu husi Ministeriu Planeamentu Investimentu Estratejiku(MPIE) serbisu hamutuk ho Ministerio Administrasaun Estatal (MAE) tersa-feira ne’e iha Salaun Centru Convensaun Baucau entrega ofisial programa Planu Municipal Ordenamentu Territoriu(PMOT) ba Autoridade Munisipiu Baucau

objektivu entrega PMOT ne’e atu oinsa mak Autoridade Munisipiu Baucau bele iha rasik Planu Municipal Ordenamentu Territorial.

Iha deskursu Diretor Geral Ordenamentu Territoriu Roger Tertuliano Belo hateten, PMOT ne’e nudar instrumentu ne’ebé fundamental atu nomeia no promove dezenvolvimentu.

“planu munisipál ordenamentu teritóriu Baucau nian instrumentu ida ne’e fundamental tebes atu nomeia no promove dezenvolvimentu Munisipiu Baucau liu husi planu justu, integradu no sustentável, objetivu atu hadi’a kualidade moris populasaun Munisipiu Baucau nian”. Informa Diretor Geral

Iha Fatin hanesan Prezidente Autoridade Munisipiu Baucau Veneranda Lemos Martins iha intervensaun afirma, Planu Ordenamentu teritóriu la fasil, maibe Baucau prontu atu hasoru.

“Ita hotu iha pensamentu ida deit ba dezenvolvimentu, tamba ita hotu hamutuk komunidade, forsas, sosiais iha Baucau tenki hamutuk atu lori ita nia rai ne’e ba objektivu ida, dezenvolvimentu teritorial moris diak.” Dehan PAM Baucau

Enkuantu, marka prezensa iha serimonia entrega PMOT ne’e, PAM Baucau ho estrutura, Sekretario Munisipais sira, Diretores Jerais no Nasionais ho ekipa tekniku sira, Diretores serbisu Munisipais ho delegasaun territoriais sira, Comandante PNTL Munisipiu Baucau ho Comandante Eskuadra sira, Comandante F-FDTL Componente Terrestre Baucau, Prezidente CCLN Baucau ho estrutura, Eis Diretores serbisu Munisipais sira ho linas ministeriais,Sosiedade Sivil ho Intelektuais sira, Partidu Politikus sira, Convisoens Relijiosas, APA nain 8 no xefe suku sira.