Veteranu Baucau husu Nonu Governu Konstitusional atu hadi’a lalais Estrada Urbana Baucau

RCS-Bucoli, 24-06-2025— Ejijensia ne’e hato’o husi Prezidente Konsellu Kombatentes Libertasaun Nasional Munisipiu Baucau, Fernando Gusmão ” Berdu’u” tersa-feira ne’e iha Centro Convenção Baucau (CCB).

Berdu’u afirma hakarak estrada ne’e hadi’a lalais iha fulan jullu no agostu atu nune’e Komunidade sira bele asesu ba Merkadu no Transporte bele liu ho diak.

” Estrada Baucau ne’e pior liu duni, ami rona maiu ne’e estrada Baucau la’o ona maibe liu tiha ona ami hakarak husu estrada Baucau la’o lalais para povu mos ba merkadu tenki diak para kareta motor tuir hodi asesu ba merkadu sira tenki halo se la halo entaun ami veteranu la fiar ona sira hau mos rona gambar BOQ prontu ona maibe oinsá mak seidauk la’o ita hakarak husu tenke la’o lalais iha fulan jullo no agostu ne’e “. Dehan Prezidente Konsellu Libertasaun Nasional Munisipiu Baucau Berdu’u

Nia hatutan ho kondisaun estrada Vila-Nova fó ameasa duni ba Komunidade nia vida bele hetan asidente. ” Sim ne’e estraga Komunidade nia vida duni, sira ho motor mak ba merkadu maibe estrada kuak ba mai hanesan ne’e bele monu, balun bele kanek no balun bele mate ne’e mak ami hakarak husu estrada ne’e la’o lalais” . Nia hatutan

Nia reforsa tan katak estrada Baucau mak la hadi’a lalais Veteranu Baucau sei lakon konfiansa ba nonu governu.

Entretanto Estrada Urbana Munisipiu Baucau ne’ebé atu halo reabilitasaun hamutuk kilómetru rua nulu resin tolu (23).

Fo hanoin fali katak Antes ne’e estrada refere hetan Cor husi Kompaña Roman Grigio maibe servisu Obras Públika Baucau halo karta despaixu ba kompaña hodi hapara servisu ho razaun tamba servisu lao tarde Relasiona ho ekipamentu kompaña nian ne’ebé limitada.