RCS-Bucoli, 28-11-2025—Lia hirak ne’e hato’o husi enstudante universitariu husi Universidade Nasionál Timor-Lorosa’e (UNTL) husi fakuldade servisu sosial Agostinha José Gomes ne’ebe hala’o estajiu iha suku Bucoli, wanhira partisipa iha Komemorasaun tinan 50 loron Proklamasaun Independensia Unilateral Timor-Leste (TL) iha sede suku Bucoli.
‘’ Nudar Joven i liu-liu nudar estudante, ita presija kontribui ba dezemvolvimentu liu husi ita nia kolaborasaun, ita nia siensia no ita nia prátika, tamba ita mak sai hanesan jerasaun foun ba nasaun ida ne’e, ita labele nonok no tur deit maibe ita presija kolabora, hahu agora ba oin ita tenki hamriik hodi hare, saida mak ita presija halo ba rai ida ne’e no sida mak presija ita nia tulun.” Dehan Estudante Agostinha
Iha fatin hanesan inspector da serimonia esar Bandeira Silvério da Silva hanesan mos veteran iha Bucoli husu komunidade sira atu partisipa iha loron nasional sira hodi bele reflete fali heroi sira nia terus hodi liberta rai ida ne’e.
‘’ ne’e duni ho sira nia terus hotu, mai ita reflete fali ba pasadu, saida deit mak ita halo no hasoru iha momentu neba, ne’e duni husu maluk sira atu mai partisipa iha eventu espesial hanesan ne’e, loron 28 Novembru, 20 de maio no 20 de auguto, loron hirak ne’e mak hamosu ita nia direitu ba ukun rasik an.’’ Dehan Silverio da Silva
Hafoin hasa’e bandeira autoridade lokal, veteran konvidadus no komunidade hotu lori mos ai-funa ba semiteriu Bucoli hodi presta omenajen ba heroi sira.
Iha komemorasaun ne’e iha mos animasaun husi estudante infantile sira no mos komunidade Bucoli, aliened ne’e iha mos jogu amijade entre labarik ho idade tinan 13 mai karaik.
Ekipa Kobertura RCSB
Leave a Reply