Unidade no Serbisu hamutuk nudar xave ba dezenvolvimentu

RCS-Bucoli, 24-11-2025—Autoridade Munisipal Baucau hamutuk ho Ministra Edukasaun, Veteranus entidades sira iha Baucau no estudantes hasa’e Bandeira Nasional iha resintu Administrasaun Munisipiu Baucau hodi komemora loron Proklamasaun independensia TL ba dala 50.

Hafoin remata isar Bandeira Nasional, Ministra Edukasaun Dulce de Jesus ba jornalista sira hateten, Paz, Unidade, serbisu hamutuk no komunikasaun diak nudar xave importante atu dezenvolvimentu bele lao ho diak.

‘’ fo liman ba malu, hasees ita nia diferensias sira hotu ita nia hanoin ida deit katak hakat ba ita nia luta nain ne’ebe mak fo sira nia vida liu husi sofrementu, joventude sira no kamadas sosial sira ne’e kontribui bai ba luta ukun rasik an ida ne’e, ita sira iha ne’e nia knaar mak atu priense ukun rasik an ida ne’e ho ita ida-idak nia servisu.’’

Dulce de Jesus observa, iha Baucau ema hotu hatudu ona kooperasaun diak no unidade hodi lori Rai Baucau ba dezenvolvimentu

Alende ne’e Prezidente CCLN Munisipiu Baucau Fernando Gusmao ”Berdu’u” informa, nudar Prezidente Nia sente triste, tamba hare Veteranus sira la partisipa iha serimonia Proklamasaun independensia TL ba dala 50.

‘’ hau hare ba diak, maibe sira veteran hotu-hotu simu konvite, maibe ohin loron ida ne’e sira la mai partisipa, hau nudar prezidente hau sente triste ho ida ne’e, iha 20 de agostu, 20 de maio, 28 novembru, ne’e veteran tenke partisipa.’’ Dehan Berdu’u

Enkuantu, partisipa iha komemorasaun tinan 50 Proklamasaun independensia Timor-Leste iha Munisipiu Baucau ne’e,Ministra Edukasaun, Komandante PNTL Munisipiu Baucau, Komandante F-FDTL CT.Lanud Baucau, Prezidente CCLN Munisipiu Baucau, Diretores serbisus linas ministeriais sira no maioria estudantes sira iha Baucau no komunidade balun.

Ekipa Kobertura RCSB