CS-Bucoli Aban Sei Realiza Konsulta Espesializada ba komunidade hodi komemora Loron proklamasaun Independensia TL ba Dala 50

RCS-Bucoli, 24-11-2024,—Informasaun ne’e hato’o husi Xefe Centru Saúde (CS) Bucoli Infermeiru Diogo do Rosário Parada waihira dadalia ho jornalista Rádio Coulelemaia Sahe Bucoli iha nia knaar fatin, segunda feira ohin.

Nia informa atu komemora loron proklamasaun Independensia Timor-Leste ba dala 50, ekipa CS Bucoli hetan fiar husi autoridade lokál suku Bucoli hodi responsabiliza serimonia esar da bandeira iha sede suku Bucoli, tamba ne’e Xefe CS-Bucoli kria inisiativa ida hodi konvida Doutor espesialista Husi Hospital rejional Eduardo Ximenés Baucau hodi fo konsulta jeral ba komunidade Bucoli no Triloca liu-liu ba ema ne’ebé ho moras króniku.

‘’ Ami husi CS-Bucoli iha programa ida molok tama ba 28 de novembru, aban ita sei iha konsulta espesializada iha ita nia sede suku Bucoli, ami halo ida ne’e hodi komemora 28 de novembru, tuir ami nia planu ne’e konsulta espesializada ne’e sei fornese deit ba moras ne’ebé króniku, maibe sei enkaixa mos programa Sisca atu nune’e karik iha progama sisca ne’e hetan moras króniku balun ekipa rekomenda kedas atu atu nune’e espesialista bele fo asistensia direta.’’ Dehan xefe CS-Bucoli.

Nia esplika tan aleimde atu komemora 28 novembru, aktividade ne’e realiza ho objectivu atu hakbesik liu tan komunidade ba Doutor Espesialista sira.

‘’ tamba durante ne’e ita nia komunidade la dun asesu ba doutor espesialita, entaun iha biban ida ne’e komu autoridade suku fo fiar baa mi atu responsabiliza no organiza ba eventu 28 novembru ne’e mak hamosu idaia ida kona-ba konsulta espsializada.

Xefe CS-Bucoli hatutan konsulta espesializada ne’e realiza tamba iha ona koordenasaun entre Xefe CS-Bucoli ho Diretor Servisu munisipál Saúde Baucau no koordenador servisu integradu saúde Baucau.

Aktividade konsulta espesializada ne’e sei hala’o durante loron ida iha sede suku Bucoli, husi doutor espesialista sira husi HoREX Baucau.

Ekipa Kobertura RCSB