Ano Letivu 2025, Estudante Finalista 49 iha EBF 3° Siklu Buruma Tuir Ezame Nasionál

 Responsavel Eskola Baziku Filial (EBF) 3° Siklu Buruma David Morais da Silva tersa-feira ne’e iha EBF Buruma ba jornalista sira hateten, dadaun ne’e iha EBF Buruma, estudantes hamutuk nain 49 husi 3° Siklu mak partisipa hela ezame Nasional tinan ne’e.

‘’ Total husi ami nia Estudantes ba terseiru síklu mak iha fofoun iha na’in lima nulu tamba ida destinu hela na’in haat nulu resin sia, sala rua ne’e kada sala Estudantes na’in rua nulu no sala 3 mak na’in sia’’. Informa David Morais da Silva

Enkuantu, Responsavel EBF 3° Buruma ne’e relata, kandidatu estudantes nain 49 fahe ba sala tolu, iha sala 2, kada sala kompostu estudantes nain 20 no sala Ida kompostu estudantes na’in 9.

Iha Fatin hanesan Diretór Servisu Munisípal Edukasaun Baucau Afonso dos Santos da Costa hateten ezame nasionál anu letivu 2025 iha Baucau lao ho diak iha tamba iha kooperasaun di’ak ho lideres Komunitária no hetan mos akompañamentu husi parte seguransa.

Exame nasionál ne’e hahu iha loron 20 fulan outubru no sei remata iha loron 23 fulan outubru 2025, hafoin ne’e kontinua kedas ho Ezame lokal iha ne’ebé sei remata iha loron 27 outubru 2025.

Ekipa Kobertura RCSB