Ema deskonesidu naok fos no Biskuite iha EBF Buruma

RCS-Bucoli, 21-10-2025—Segunda-feira kalan, Loron 20 Fulan Outubru tinan ne’e akontese ema deskonesidu tama iha Oficce Eskola Bázika Filial (EBF) 1° 2° no 3° Siklu Buruma, Postu Administrativo Baucau-Vila, Munisipiu Baucau hodi naik fos karon 1 no Biskuit falaun 1

Responsavel EBF 3° Siklu Buruma David Morais da Silva tersa-feira ne’e iha EBF Buruma konta,akontesimentu ne’ebeé horikalan sira la hare ho matan,ohin dader hafoin sira deskobre katak ema deskonesidu tama husi janela hodi foti fos karon 1 no Biskuit falaun 1 iha Koordenador Nia fatin.

David Morais informa, relasiona ho akontesimentu ne’e Eskola sei aprezenta mos relatoriu ba Autoridade Lokal Suku Buruma tamba tuir Lei tara Bandu ne’ebé estabelese ona iha Suku Buruma

‘’ Akontesimentu ne’ebé akontese hodikalan maibe ami la haree ho matan, ohin ami nia Koordenador mai loke odamatan deskobre katak kuartu husi ami nia Koordenador ninian, iha kadeira ne’ebé tau iha nebá ema selok tiha, ita Koordenador mos deskobre katak sira tama husi janela, selok tiha besi iha okos sira dada sai sira tama husi ne’e, sasan ne’ebé ami deskobre mak foos saku ida ho biskuit falun ida iha Koordenador nia fatin, ita labele kaer tamba ita la haree, pois ami mos monta cctv maibe sira taka mate tiha mak tama, ami nia Koordenador relata ona relatóriu ba diretiva ami mos la taka dalan tamba tuir lisan tara bandu nian iha Buruma ami tenke informa ba Autoridade Suku Buruma nian tuir lei tara bandu ne’ebé estabele ona iha Suku Buruma’’. Dehan Responsavel EBF 3° Siklu Buruma David Morais da Silva

Iha tempu hanesan Diretor Serbisu Edukasaun Munisipiu Baucau Afonso dos Santos da Costa wainhira halo observasaun iha EBF Buruma hateten,foos karon 1 no Biskuit falaun 1 nebe lakon iha EBF Buruma laos kestaun,maibe Edukasaun sei fo informasaun ba parte seguransa nian.

‘’ Ohin iha informasaun iha Buruma ne’e, ita iha ema deskoñesidu tama iha eskola ne’e hasai tiha vidru ida, pois lori foos saka ida ne’ebé ita-nia Professor sira prepara osida ezame hotu sira atu han hamutuk mais foti tiha ona, ho biskuit ida ne’e laiha kestaun laos problema depois mak ita informa deit ba iha parte seguransa nian’’. Informa Diretor Serbisu Edukasaun Munisipiu Baucau Afonso dos Santos da Costa

Diretor ne’e hatutan nia sente triste hare hahalok ema deskonesidu sira nian hanesan ne’e,tamba ne’e husu komunidade iha Suku Buruma atu tau matan ba Eskola refere.