La iha Karta kondusaun sei hetan kastigu tinan 2

RCS-Bucoli, 24-07-2025—Lia hirak ne’e hato’o husi Komandante PNTL Eskuadra Baucau-Vila Daniel da Costa Freitas wainhira halo sosializasaun lei kodigu Estrada,krimi publiku no semi publiku ba komunidade Bucoli iha sede suku Bucoli kinta-feira ne’e.

Komandante PNTL Eakuadra Baucau-Vila ne’e hateten wainhira karta kondusaun laiha ne’e iha pontu rua mak prega, kriminaliza no infrasaun, kriminaliza ne’e mak iha kodigu penal artigu 207, nia prosesu to’o iha tribunal no tenke hetan kastigu tinan rua.

‘’ Karta kondusaun laiha ne’e iha buat rua mak prega,ida mak kriminaliza no ida mak infrasaun,kriminaliza ne’e mak kodigu penal artigu 207,ne’e tenke to’o iha tribunal hodi hetan kastigu tinan rua,agora infrasaun ne’e iha kodigu Estrada iha artigu 117 koalia katak,karik karta kondusaun laiha tenke selu 120 dolares,maibe laos to’o ba selu kedas,tenke nia prosesu nee to’o iha tribunal,ita nian dalabarak aplika multa deit la lori ba tribunal,maibe agora ba oin ita sei aplika prosesu to’o ba tribunal.’’

Alende ne’e Reprezentante Komandante tranzitu seguransa rodaviariu Munisípiu Baucau Manuel Fonseca hateten, wainhira sidadaun nebe utiliza transporte mak laiha karta kondusaun ne’e laos infrasaun maibe krimi.

‘’ Wainhira sidadaun nebe mak utiliza transporte hanesan kareta ho motor,nia la iha karta kondusaun,ida ne’e laos infrasaun maibe ne’e krimi tuir lei kodigu penal artigu 207 ne’e koalia konaba laiha sem karta kondusaun,ninia prosesu ne’e to’o iha tribunal mak fo multa ou kastigu tinan 2 iha Becora.” Dehan Manuel Fonseca 

Reprezentante Komandante Tranzitu ne’e husu ba sidadaun sira nebe utiliza transporte, diak liu ba trata karta kondusaun iha Diresaun Nasional Transporte Terrestre (DNTT).

Ekipa Kobertura RCSB