RCS-Bucoli, 07-07-2025—Organizasaun Naun Governamental Kolegas da Paz(KDP) hamutuk ho GASC no APA Vemasse halao lansamentu ba programa haforsa diversifikasaun ekonomia feto rural iha Ostiku.
Serimonia lansamentu ne’e realiza iha sede suku Ostiku,Postu Administrativu Vemasse, Munisipiu Baucau segunda-feira ne’e.
Hafoin remata Abertura,Diretora KDP Olga Matilde da Costa hateten, serimonia lansamentu ne’e KDP halo hetan apoiu Husi Gabinete Apoiu Sosiedade Civil (GASC) atu halo Akompanha hodi hare ba grupu ekonomia Sira iha rural kona-ba sistema finanseiru no produsaun.
“Loron ohin ne’e Ita halo serimonia lansamentu programa haforsa diversifikasaun ekonomia feto rural nebe Mak hetan apoia Husi Gabinete Apoiu Sosiedade Civil,fo fiar ba Kolegas da Paz atu halo Akompanha ba grupu Sira nebe Mak tinan hirak liuba Ita ajuda no reforsa ona Sira Nia grupu,Agora tinan Ida ne’e Nia laran Ita halo akompanamentu hodi hare Sira Nia sistema finanseiru,haforsa Sira Nia produsaun liuhusi Sira Nia hakian ikan no Manu,atu oinsa Mak bele liga ba merkadu.” Dehan Diretora KDP
Xefe departementu empoderamentu ekonomia komunitaria Gabinete Apoiu Sosiedade Sivil Rogerio Soares relata, GASC Nia knar oinsa Mak atu apoiu Organizasaun Sosiedade Civil.
“Tamba ne’e ho oportunidade nebe iha aproveita ho didiak ba no halao Aktividade sira nebe nain hirak trasa hamutuk ne’e Lao ho didiak,maske la halo buat boot Liu maibe bele rezolve netik buat kiikoan ruma iha familia Uma laran.”
Nia hatutan grupu Hamelale ho Uaisabu Center atu bele sai modelu hodi aprende ba malu, nune’e ba oin bele motiva grupu barak liutan iha futuru.
Hafoin remata lansamentu, Diretora KDP hamutuk ho Xefe departementu empoderamentu ekonomia komunitaria, Reprezentante APA Vemaese no Xefe suku Ostiku halao mos vizita ba Fatin hakiak ikan no Fahi iha grupu Uaisabu Center, nomos fatin hakiak Manu Timor no produsaun aihan lokal iha grupu Hamelale.
Leave a Reply