Benifisiariu idozu no Ema ho defisiensia hamutuk 255 iha Bucoli simu sira nia direitu ba fulan 3

RCS-Bucoli, 05-07-2025, Sabadu finde semana ne’e Banco Nasional Comersiu Industria(BNCTL) Sukursal Baucau akompaña husi Autoridade Lokál Bucoli halo pagamentu subsidiu faze daruak tinan 2025 ba idozu no Ema ho defisiensia hamutuk ema nain atus rua limanulu resin lima (255) iha suku Bucoli

Xefe suku interinu Bucoli Jaime da Silva relata,total benefisiariu suku Bucoli nebe Sei hetan pagamentu husi BNCTL hamutuk ema atus rua limanulu resin neen( 256),kompostu Husi idozu ema nain atus rua haatnulu resin rua(242) no ema ho defisiensia nain sanulu resin haat(14)

“Total lista nebe Sosial haruka mai nee,ema hamutuk atus rua limanulu resin lima,tuir lolos nee ema atus rua limanulu resin neen,maibe Ida mak naran latama,nebe ohin ami konfirma tiha ona katak segunda mak atu lori nia dokumentus ba sosial para bele simu fali iha loron hirak tuir mai,agora entre ema atus rua limanulu resin neen nee,ema ho defisiensia hamutuk nain sanulu resin haat(14)no idozus hamutuk ema nain atus rua haatnulu resin rua.” Dehan Jaíme da Silva

Jaime da Silva mos informa ba benefisiariu sira hotu atu uja osan nee tuir nesesidade nebe hakarak,labele uja osan nee ba fali halo uma lisan no fetosan umane.

” Nudar Autoridade Suku fo hatene ba sira nebe simu osan atu sira hotu-hotu uja osan ne’e Tuir nesesidade saida mak sira hakarak,maibe labele uja osan ne’e ba fali halo uma lisan no fetosan umane,baibain kedas kuandu sira mai simu nee ami sempre fo atensaun ba sira katak Osan nebe sira simu nee atu hola hahan ba sira.” Nia hatutan

Xefe suku interinu ne’e hateten tan,depois remata pagamentu iha sede suku, BNCTL mos sei lao tuir ba halo pagamentu ba benefisiariu sira nebe moras iha uma no ospital.

Enkuantu, prosesu pagamentu subsidiu ba idozu no ema ho defisiensia iha suku Bucoli halao durante loron Ida iha sede suku Bucoli.